ઇનર વ્હીલ ક્લબ ઓફ અંકલેશ્વર દ્વારા ‌ગુમાનદેવની પ્રાથમિક શાળાને દત્તક લઇ સમાજ સેવાનું ઉમદા કાર્ય કરાયું…

દિનેશભાઇ અડવાણી

ઝઘડિયા ગુમાનદેવ ખાતે પ્રાથમિક શાળા કાર્યરત છે જેમાં ગુમાનદેવ તેમજ આજુબાજુના વિસ્તારના ગરીબ વિદ્યાર્થીઓ ભણતર અર્થે આવે છે ત્યારે આ શાળાના વિકાસ અર્થે ઇનર વ્હીલ ક્લબ ઓફ અંકલેશ્વર દ્વારા શાળાને દત્તક લેવામાં આવી છે.આ કાર્યક્રમ હેઠળ સ્કૂલના બાળકોને યુનિફોર્મ, બૂટ મોજા, સ્કૂલ બેગ, સ્ટેશનરી પાઊચ,રમત ગમતનાં સાધનો,બૂકસ, બિસ્કીટ,હેન્ડવોશનું વિતરણ કરવામાં આવ્યું હતું.ઇનર વ્હીલ ક્લબ દ્વારા થયેલ આ કાર્યના પગલે માત્ર ગુમાનદેવ જ નહિ પરંતુ આજુબાજુના ગામોના ગરીબ વિદ્યાર્થીઓને પણ ખુબ લાભ થશે.આ ઉપરાંત વિદ્યાર્થીઓને સ્વચ્છતા અને સ્વસ્થતા કેવી રીતે જાળવવી એ વિશે માહિતી આપવામાં આવી હતી તેમજ પયૉવરણની જાળવણી માટે વૃક્ષારોપણ પણ કરવામાં આવ્યું હતું.