અંકલેશ્વર હાંસોટ રોડ ઉપર આવેલ ખેતરોમાંથી ૧૦ લાખ ઉપરાંતનો વિદેશી દારૂ ઝડપાયો

આજ રોજ અંકલેશ્વર સીટી પોલીસ ને મળેલી બાતમીના આધારે અંકલેશ્વર હાંસોટ રોડ ઉપરના ખેતરોમાંથી ૧૦,૩૯,૨૦૦ નો વિદેશી દારૂ પોલીસે ઝડપી પાડયો હતો.પોલીસને મળેલી બાતમી આધારે અંકલેશ્વર સીટી પો.સ્ટે પી.એસ.આઈ ને માહિતી મળી હતી કે હરીપુરા ગામનો કનુ વસાવા અને મનીષ વસાવા ખડકીયા કોલેજની પાછળ આવેલ બાવળની ઝાડીમાં ઈંગલીશ દારૂ અને બિયરનો જથ્થો કોઈ વાહનમાં લાવી બહારથી માણસો તથા વાહનો મંગાવી ઈંગ્લીશ દારૂ તથા બિયરની પેટીઓનુ કરી રહ્યો છે. તે બાતમીના આધારે પોલીસે રેડ કરતા પોલીસને સ્થળ ઉપરથી પરપ્રાંતીય ઈંગ્લીશ દારૂની ૭૫૦ મીલી કાચની બોટલ નંગ ૩૦૦ તથા ૧૮૦ મીલીની કાચના તથા પ્લાસ્ટીકના બોટલ નંગ ૭૩૪૪ તથા ૫૦૦ મીલી બીયરની ટીન નંગ ૧૮૪૮ ની કુલ કિંમત રૂ. ૧૦,૩૯,૨૦૦ નો મુદ્દામાલ પકડી પાડયો હતો. પોલીસે આ કામના આરોપી કનુ વસાવા તથા મનીષ વસાવા રહે. હરીપુરા નાઓને વોન્ટેડ બતાવી ગુનો નોંધી વધુ તપાસ આદરી હતી.