અંકલેશ્વર નેશનલ હાઈવે નંબર ૮ ઉપર અચાનક કારમાં આગ ભભૂકી: કાર ચાલકનો બચાવ પરંતુ કાર બળીને ખાખ

માંડવા પાસેની હોટલ ઇન પાસેથી પસાર થતા હતા તે દરમ્યાન એકાએક કારમાં લાગી આગ : કાર ચાલક બહાર નીકળી ગયો તેથી તેનો બચાવ 

બનાવની મળતી માહિતી મુજબ ગત રોજ મોડી સાંજના સુમારે અંકલેશ્વરના નેશનલ હાઈવે નંબર ૮ પર અચાનક એક કારમાં આગ ભભૂકી ઉઠી હતી.

વાલિયાના રહીશ અંકલેશ્વરથી ભરૂચ તરફ આવી રહ્યા હતા તે સમયે માંડવા ખાતે આવેલ હોટલ ઇન પાસે જ એકાએક કારમાં આગ લાગી હતી. કાર ચાલક કારમાંથી બહાર નીકળી જવાથી તેમનો આબાદ બચાવ થવા પામ્યો હતો પરંતુ કાર પૂરે પૂરી બળીને ખાખ થઇ ગઈ હતી.

તે ઉપરાંત તેઓએ અંકલેશ્વર શેર પોલીસ મથકમાં તથા ફાયર વિભાગને જાણ કરતા ફાયર વિભાગ પણ ઘટના સ્થળે દોડી ગઈ હતી. પરંતુ તેઓ પહોંચતા કાર બાલી ગઈ હતી. જેની નોંધ અંકલેશ્વર શહેર પોલીસ ખાતે કરવામાં આવી છે.