અંકલેશ્વર ની વાલિયા ચોકડી પાસે એક ટેમ્પો ટ્રેક્સ જીપમાં અચાનક આગ લાગવા સાથે, આગ બાદ અચાનક જીપ દોડવા લાગતા આસપાસનાં લોકો મા ગભરાટ પૃસરી ગયો હતો.
અંકલેશ્વર વાલિયા ચોકડી નજીક પેટ્રોલ પંપ પાસે એક ટેમ્પો ટ્રેક્સજીપ માં ઓચિંતા આગ લાગી હતી, અને સૌના કુતુહલ વચ્ચે જીપ અચાનક દોડવા પણ લાગતા પેટ્રોલ પંપ સહિત નજીકની હોટલમાં જમવા બેઠેલા લોકોમાં નાશભાગ મચી ગઈ હતી.જોકે જીપ એક દીવાલ સાથે ભટકાયને જાતે જ અટકી જતા પ્રથમ સ્થાનિક લોકોએ સળગતી જીપ પર પાણીનો મારો ચલાવીને આગ પર અંકુશ મેળવવાનો પ્રયત્ન કર્યો હતો. અને આ બાદ ફાયર બ્રિગેડની ટીમ પણ ઘટના સ્થળે દોડી આવીને આગ પર પાણીનો મારો ચાલવી આગ પર કાબુ મેળવ્યો હતો.
આ ઘટનાને પગલે લોકોનાં જીવ પડીકે બંધાયા હતા, અને ભારે જહેમત બાદ પરિસ્થિતિ પર કાબુ આવી જતા સૌએ રાહતનો શ્વાસ લીધો હતો, સદનસીબે પેટ્રોલ પંપ નજીક હોવા છતાં મોટી દુર્ઘટના સર્જાતા બચી હતી.
