ભરૂચના વડદલા ગામ પાસેથી ગતરોજ એક ચકચારી ઘટના સામે આવી હતી, જેમાં લારી લઈ ટામેટા વેચાણ કરવા નીકળેલ એક પરપ્રાંતિય નરાધમ ઈસમે નજીકમાં રહેલ શ્રમજીવી પરિવારની બાળકીને ચોકલેટની લાલચ આપી ઝાડીઓમાં ઉઠાવી લઈ જઈ તેની સાથે અડપલા કરવા જતા સ્થાનિકોએ તેને રંગે હાથ ઝડપી પાડ્યો હતો.
ટામેટા વેચવાવાળાએ માસુમ બાળકીને જાડી જાંખરામાં લઈ જઈ અડપલા કરવા જઈ રહ્યો હતો તે જ સમયે સ્થાનિકોની સતર્કતાના કારણે બાળકીને સલામત રીતે કોઈ દુષ્કૃત્ય થાય પહેલા જ બચાવી લઈ નરાધમ ઈસમને દોરડા વડે વૃક્ષ સાથે બાંધી દઈ મેથીપાક ચખાડી મામલે નબીપુર પોલીસને જાણ કરી હતી.
જે બાદ પોલીસે તાત્કાલિક ઘટના સ્થળે દોડી જઈ નરાધમ ઈસમની ધરપકડ કરી સમગ્ર મામલે ગુનો દાખલ કરવાની તજવીજ હાથધરી હતી, જોકે સમગ્ર ઘટના ક્રમ અંગેનો વિડીયો સોશિયલ મીડિયા માં વાયરલ થતા નરાધમ પરપ્રાંતિય ઈસમના કૃત્ય ઉપર લોકોએ ફિટકારની લાગણી વર્ષાવી હતી.
