ગત તારીખ ૧૩ મી જાન્યુઆરીના રોજ સારંગપુર ગામમાં બનેલ ઘટનામાં ઘર પાસે લઘુશંકા કરવા બાબતે બે શખ્સો વચ્ચે ઝઘડો થયો હતો. જેમાં આરોપી મુકેશ મંડલ એ કિશોર ચિતરંજન મંડલ ઉમર વર્ષ ૪૦ નાઓની ગોળી મારી હત્યા કરી હતી. અંકલેશ્વર તાલુકા પોલીસે આરોપીને પકડવાના ચક્રો ગતિમાન કર્યા હતા. સારંગપુર ગામમાં આવેલ મંગલ દીપ સોસાયટીનાં ઈસમ સાથે મકાન આગળ ખુલ્લા માં લઘુશંકા કરવાના મુદ્દે ઝગડો ચાલી રહ્યો હતો જેમાં તારીખ ૧૩મી જાન્યુઆરીની રાત્રીએ ઉશ્કેરાયેલ અને પાડોશમાં રહેતા મુકેશ મંડલ તમંચો લઇ આવી 3 રાઉન્ડ ફાયરિંગ કરતા 3 ગોળી કિશોર ચિતરંજન મંડલનીને છાતીમાં વાગતા તેમનું ઘટના સ્થળે મોત નીપજ્યું હતું.
બનાવ અંગે અંકલેશ્વર જીઆઈડીસી પોલીસ મથકે ગુનો નોંધી તપાસ હાથ ધરી હતી જેમાં પોલીસે ભરૂચ ક્રાઈમ બ્રાંચની મદદથી આરોપી મુકેશ મંડલની ધરપકડ કરી છે. પોલીસે આરોપી પાસેથી પિસ્તોલ અને ૪ કારતુસ કબજે કર્યા છે. હથિયાર કોની પાસેથી લાવ્યો હતો એ સહિતની વિગતો મેળવવા પોલીસે વધુ તપાસ હાથ ધરી છે.
યોગી પટેલ
