અંકલેશ્વરમાં કુરિયરના પાર્સલની આડમાં લવાતો વિદેશી દારૂનો જથ્થા સાથે એક ઇસમને અંકલેશ્વર બી ડિવિઝન પોલીસે ઝડપી પાડયો છે.
અંકલેશ્વર બી ડિવિઝન વિસ્તારમાં પોલીસ પેટ્રોલિંગમાં હોય તે સમયે બાતમી મળેલ કે કુરિયરના પાર્સલમાં દારૂ સંતાડીને લઈ જવામાં આવનાર હોય આ ચોક્કસ બાતમીના આધારે એક પાર્સલની ગાડી નેશનલ હાઇવે નંબર આઠ પર આવેલ ઓમકાર-2 કોમ્પલેક્ષ પાસે ગાર્ડનમાં કુરિયરમાં બે પાર્સલમાં અંગ્રેજી દારૂનો જથ્થો છુપાવીને બીજા પાર્સલ અમદાવાદ ખાતે આપવા ગયેલ છે અને આજરોજ સવારના સંતાડેલ પાર્સલ લેવા અમદાવાદથી નીકળી પરત અંકલેશ્વર આવનાર છે જે આધારે પોલીસે બાતમીના આધારે દરોડો પાડી આરોપી કિશનસિંગ શંકરસિંગ રાજપુત ઉંમર વર્ષ 33, રહેઠાણ મોલેલા ગામ તાલુકો ખમનોર જિલ્લો રાજસમદ રાજસ્થાનને પોલીસે રંગે હાથે ઝડપી લઇ વિદેશી દારૂની નાની મોટી બોટલો નંગ 191 કિં.રૂ.28,300, મોબાઇલ મળી કુલ રૂપિયા 33,300 નો મુદ્દામાલ ઝડપી લઇ પ્રોહીબિશન એક્ટ મુજબનો ગુનો નોંધી કાયદેસરની કાર્યવાહી હાથ ધરેલ છે. આ કામગીરી બી ડિવિઝન પી.આઇ. વી.યુ. ગડરીયાના માર્ગદર્શન મુજબ હેડ કોન્સ્ટેબલ કિશોરભાઈ, કોન્સ્ટેબલ સહદેવસિંહ સહિતના એ કરી હતી.
