અંકલેશ્વર જી.આઈ.ડી.સી પો.સ્ટે. વિસ્તારના શ્રીજી કોરો કેર ઇન્ડસ્ટ્રીઝ કંપનીની સામે ખુલ્લામાં જુગાર રમતા છ આરોપીઓને ભરૂચ ક્રાઈમ બ્રાંચની ટિમ એ ઝડપી પાડયા છે.
ભરૂચ ક્રાઇમ બ્રાંચની ટીમ ગતરાત્રીના પેટ્રોલિંગમાં હતી તે દરમિયાન પો.સ.ઇ આર.કે.ટોરાણીને બાતમી મળી હતી કે અંકલેશ્વર જી.આઈ.ડી.સી માં ધીરજ કેન ચોકડી નજીક આવેલ શ્રીજી કોરો કેર ઇન્ડસ્ટ્રીઝ કંપનીની સામે ટોર્ચના અજવાળે ખુલ્લામાં પાથરણું પાથરી કેટલાક શખ્સો પત્તા પાનાં વડે હારજીતનો જુગાર રમે છે જે ચોક્કસ બાતમીના આધારે પો.સ.ઇ આર.કે.ટોરાણીની ટિમ સાથે દરોડો પાડતા આરોપીઓ (1) જયેશ પ્રકાશ વસાવા (2) હેમંત ઠાકોર પરમાર (3) હિમાંશુ ઠાકોરભાઈ સોની (4) સંજય રમસિંગ તડવી (5) જીતેન્દ્ર રવિન્દ્રકુમાર ગૌતમ (6) સુખરામ રામેશ્વર પ્રસાદ રાવત નાઓને ઝડપી લઈ કુલ રૂ. 25,830 ના મુદ્દામાલ સાથે આરોપીઓને કબ્જે કરી વધુ તપાસ પોલીસ ચલાવી રહી છે.
