અંકલેશ્વર : ચૌટાનાકા પાસે બે બાઈક અથડાતાં બંને બાઇક સવારો ગંભીર રીતે ઘવાયા.

અંકલેશ્વરના ચૌટાનાકાથી ગડખોલ પાટીયાને જોડતા માર્ગ ઉપર બે બાઈકો વચ્ચે અકસ્માત સર્જાતા બંને બાઇક ચાલકોને ઇજા પહોંચી હતી.

આજરોજ અંકલેશ્વરના ચૌટા નાકાથી ગડખોલ પાટીયાને જોડતા માર્ગ ઉપર હસ્તી તળાવ પાસેથી બે બાઇક ચાલકો પસાર થઈ રહ્યા હતા તે દરમિયાન સામેથી પુરપાટ ઝડપે ધસી આવેલ અન્ય બાઇક સાથે ભટકાતાં ગંભીર અકસ્માત સર્જાયો હતો. આ ગમખ્વાર અકસ્માતમાં બંને બાઇક ચાલકોને ઇજાઓ પહોંચતા રાહદારીઓએ તેઓને તાત્કાલિક સારવાર અર્થે હોસ્પિટલ ખાતે ખસેડાયા હતા.

મુકેશ વસાવા : અંકલેશ્વર