અંકલેશ્વર ખાતે શહેર એ ડિવિઝન પોલીસના કર્મીઓ પેટ્રોલીંગમાં હતા દરમિયાન મળેલ ચોક્કસ બાતમીના આધારે અંકલેશ્વરની ઝેનીથ સ્ફુલના પાછળ આવેલ ઘનશ્યામ નગરના મકાન નંબર બી/૨૦ માં રહેતા ઇશરાક ખાન મહેમુદ ખાન પટેલ નાઓ તેઓના રહેણાંક મકાનમાં બંધ દરવાજે કેટલાક ઈસમો પત્તા પાના વડે જુગાર રમાડે છે જે બાદ પોલીસના કર્મીઓએ સ્થળ પર દરોડા પાડયા હતા.
અંકલેશ્વર શહેર એ ડિવિઝન પોલીસના દરોડામાં કુલ ૯ જેટલા ઈસમો જુગાર રમતા ઝડપાઇ ગયા હતા,જે બાદ પોલીસે રોકડા રૂ,૮૭,૩૦૦ તથા મોબાઈલ નંગ ૧૦ તેમજ મોટરસાયકલો મળી કુલ ૧,૯૮,૩૦૦ નો મુદ્દામાલ કબ્જે કરી મામલે (૧) ઇશરાક ખાન મહેમુદ ખાન પટેલ (૨) મોહંમદ ભાઈ ઇસ્માઇલ ભાઈ લાકડાવાલા (૩) મોહશીનખાન ઉર્ફે કાણો મહેમુદ ખાન પટેલ (૪) ધવલભાઇ રાજુભાઇ પાલ (૫) યોગેશભાઈ ભગવાન ભાઈ વળાંદ (૬) રાકેશભાઈ કિશોરભાઈ સોલંકી (૭) મનીષભાઈ ધરમચંદ જૈન (૮) મનહરભાઈ છીતુ ભાઈ વસાવા (૯) મહેશભાઈ છગન ભાઈ પરમાર નાઓનો ઝડપી પાડી તમામ સામે ગુનો દાખલ કરી કાયદેસરની કાર્યવાહી હાથ ધરવામા આવતા ખળભળાટ મચ્યો છે.
હારુન પટેલ : ભરૂચ
