અંકલેશ્વરનાં દઢાલ ગામ નજીક સાગબારા ફાટક પાસે ગામનાં યુવાને ગળે ફાંસો ખાઈ આપધાત કરી લેતા સમગ્ર ગ્રામજનોમાં ખળભળાટ મચી ગયો છે.

અંકલેશ્વરમાં લીમડાનાં ઝાડ સાથે યુવાને ગળે ફાંસો ખાધેલી હાલતમાં લાશ લટકી રહી હોવાની લોકોને જાણ થતાં લોકો દોડી આવ્યા હતા. જયારે વિગતોમાં જાણવા મળ્યું કે અંકલેશ્વરનાં દઢાલ ગામ નજીક સાગબારા ફાટક નજીક લીમડાનાં ઝાડ ઉપર યુવાન ગળે ફાંસો ખાધેલી હાલતમાં લટકી રહ્યો હોવાની ગામલોકોને જાણ થતાં ગામલોકો દોડી આવ્યા હતા. તપાસ કરતાં યુવાન ગામનો જ રહેવાસી ગિરીશ ઉકકડ વસાવા હોવાનું બહાર આવ્યું હતું. યુવાને કેમ ગળે ફાંસો ખાધો, શું થયું હતું તેની તપાસ બાદ ખબર પડશે. પરંતુ પોલીસને જાણ થતાં તાલુકા પોલીસ ધટના સ્થળે દોડી આવી હતી. યુવાનનાં વાલી વારસાને જાણ કરીને તપાસનાં ચક્રો ગતિમાન કર્યા છે.