ભરૂચ જિલ્લાનાં અંકલેશ્વર નજીક વડોદરા-મુંબઇ એક્સપ્રેસ હાઇવે પર બ્રિજનાં બ્લોકની પ્લેટ ધરાશાયી થતાં એક કામદારનું મોત.

ભરૂચ જિલ્લાનાં અંકલેશ્વર નજીક આવેલ શક્કપોર ગામ પાસે વડોદરા-મુંબઇ એક્સપ્રેસ હાઇવેની કામગીરી દરમિયાન બ્રિજનાં બ્લોકની પ્લેટ ધરાશાયી થઇ હોવાની ઘટના સામે આવી છે. આ ઘટનામાં એક કામદારનું ઘટના સ્થળે જ કમકમાટી ભર્યું મોત નીપજ્યું છે.વિશાળકાય ક્રેઇનનાં ડ્રાઇવરે સંતુલન ગુમાવી દેતાં અકસ્માતનો આ બનાવ બન્યો હોવાની વિગતો બહાર આવી છે. આ મામલે પોલીસને જાણ કરવામાં આવતા ભરૂચ પોલીસ ઘટના સ્થળે દોડી આવી હતી. હાલ મૃતદેહને પી.એમ માટે ભરૂચ સિવિલ હોસ્પિટલમાં ખસેડવામાં આવ્યો છે. પોલીસે આ મામલે વધુ તપાસ હાથ ધરી છે.