અંકલેશ્વર તાલુકાનાં સક્કરપોર ગામ ખાતે નર્મદા નદીમાં એક યુવાન ડૂબ્યો.

અંકલેશ્વર તાલુકાનાં નર્મદા નદી નજીક આવેલ સક્કરપોર ગામનાં એક આશાસ્પદ યુવાન આજે નર્મદા નદીમાં ડૂબી જતાં સક્કરપોર અને આજુબાજુનાં ગામોમાં શોકની લાગણી ફેલાય ગઈ છે. આ બનાવની કરુણતા એ છે કે બોટમાંથી ઉતારવા જતાં યુવકનો પગ લપસી જતાં તે ઊંડા પાણીમાં ગરકાવ થઈ ગયો હતો. ઘટનાની જાણ થતાં ફાયરબ્રિગેડના જવાનોએ નદીમાં યુવાનની શોધખોળ શરૂ કરી હતી. આ બનાવ અંગે અંકલેશ્વર રૂરલ પોલીસ ખાતે ફરિયાદ નોધાય હતી.