અંકલેશ્વર : મોટર સાઇકલ ચોરીનાં વણ શોધાયેલ ગુનાનાં આરોપીને શોધી કાઢતી અંકલેશ્વર રૂરલ પોલીસ.

અંકલેશ્વર પંથકમાં મોટર સાઇકલ ચોરીનાં બનાવો વારંવાર બની રહ્યા છે. ત્યારે મળેલ બાતમીનાં આધારે અંકલેશ્વર રૂરલ પોલીસે હજાત ગામનાં બસ સ્ટેન્ડ પાસેથી એક શંકાસ્પદ મોટર સાઇકલ સવારને ઝડપી પાડયો હતો. જેની તપાસ કરતાં તેનું નામ મનીષ કાલિદાસ રાઠોડ રહે. નિશાળ ફળિયું નવા ધંતૂરિયા, અંકલેશ્વર હોવાનું જણાયું હતું. તેની પાસે મોટર સાઇકલનાં કાગળો અને વાહન માલિકની પૂછપરછ કરતાં કોઈ સંતોષકારક જવાબ મળ્યો ન હતો. તા.30-8-2020 નાં રાત્રિનાં 12 વાગ્યાનાં અરસામાં ધંતૂરિયા ગામેથી ચોરી કરેલની કબૂલાત કરી હતી. જેથી પોલીસે 23,000 કિંમતની મોટર સાઇકલ જપ્ત કરી વધુ તપાસ હાથ ધરી છે.