અંકલેશ્વર GIDC માં આવેલ વિવિધ કંપનીઓમાં ગેસ ગળતરની ઘટનાઓ હવે સામાન્ય બની છે. કામદાર સંગઠનોએ વારંવાર આવેદનપત્ર અને રજૂઆતો કરી હોવા છતાં કંપનીઓ દ્વારા કામની સુરક્ષા અંગે કોઈ પગલાં લેવામાં આવતા નથી અને કંપનીઓ દ્વારા કામદારો પર માનસિક ત્રાસ ગુજારવામાં આવી રહયો છે. અકસ્માતનાં આવા બનાવોનાં પગલે કામદારોમાં ભયની લાગણી ફેલાય ગઈ છે. અંકલેશ્વર નજીક આવેલ પાનોલી GIDC ની પણ આ જ હાલત છે. પાલેજ GIDC માં આવેલ ન્યુટેક એગ્રો કંપનીમાં એક કર્મચારીને ગેસની અસર થતાં તેને ભરૂચની હોસ્પીટલમાં સારવાર અર્થે દાખલ કરવામાં આવેલ છે. હાલ મળતી માહિતી મુજબ અંકલેશ્વર રૂરલ પોલીસે ગુનો નોંધી વધુ તપાસ હાથ ધરી છે.
Advertisement
