અંકલેશ્વર પોલીસ દ્વારા ઇ ગુજકોપ-પોકેટકોપનો મહત્તમ ઉપયોગ થઈ રહ્યો છે. તાજેતરમાં અંકલેશ્વર ડી.વાય.એસ.પી ચિરાગ દેસાઈના માર્ગદર્શન હેઠળ અંકલેશ્વર સીટી પોલીસના પી.આઈ એફ.કે જોગલે રાજકોટ વિસ્તારમાંથી ઉઠાંતરી કરેલ મોટર સાયકલ સાથે એક આરોપીને ઝડપી પાડયો હતો. આ બનાવની વિગત જોતા મળેલ બાતમીના આધારે અંકલેશ્વર પોલીસે વાલિયા ચોકડી વિસ્તારમાં વોચ ગોઠવી હતી જ્યાં એક શંકાસ્પદ મોટરસાયકલ સવાર જણાતા તેની તપાસ ઈ ગુજકોપ પોકેટકોપનો ઉપયોગ કરતા આ મોટરસાયકલ રાજકોટની હોવાનું અને તેના માલિક કૈલાશ મેગજીભાઈ ચૌહાણ હોવાનું જણાયું હતું. અંકલેશ્વર સીટી પોલીસે ચોરીની મોટરસાયકલ લઇ ફરતા આરોપી સંતોષ વિનોદ શુક્લાની અટક કરી વધુ તપાસ શરૂ કરી છે. મોટર સાયકલ કિં.રૂ 20,000 જપ્ત કરેલ છે.
Advertisement
