અંકલેશ્વર તાલુકા પોલીસે બાતમીના આધારે નાંગલ હજાત ગામે વોચ ગોઠવી એક્ટિવા સ્કુટર પર વિદેશી દારૂ લઈને જતા બુટલેગરને ઝડપી લીધો હતો.

અંકલેશ્વર તાલુકા પોલીસ મથકના પોલીસ અધિકારીઓને મળેલી બાતમીના આધારે નાંગલ હજાત ગામ ખાતે વિદેશી દારૂની હેરાફેરી થઈ રહી છે.તેવી બાતમીના આધારે વોચ ગોઠવી હતી દરમિયાન એક્ટીવા સ્કુટર લઇને આવેલા યુવાનને રોકી તપાસ કરતા તેના થેલામાંથી 236 નંગ વિદેશી દારૂની બોટલો કિંમત રૂપિયા 23,600/- મળી આવ્યા હતા. જોકે પોલીસ આવે તે પહેલા દશરથ વસાવા રહેવાસી હજાત ગામ ફરાર થઈ ગયો હતો. જ્યારે અજય વસાવા નામનો યુવાન ઝડપાયો હતો જોકે પોલીસે 39000 રૂપિયાનો મુદ્દામાલ કબજે કરી ફરાર દશરથ વસાવાની ધરપકડના ચક્રોગતિમાન કર્યા છે.