બનાવ અંગેની પ્રાપ્ત માહિતી અનુસાર અંકલેશ્વરના પ્રતિન ઓવરબ્રિજ વિસ્તારમાં ગત રાત્રીના સમયે બાઇક પર સવાર થઇ આવેલા બે જેટલા ઈસમોએ ડેડીયાપાડાના ધના ધમાણિયા નામના ઈસમ પાસે આવી પહોંચી તેને પથ્થર મારી ઇજાગ્રસ્ત કરી તેની પાસે રહેલ મોબાઈલ ફોનની લૂંટ ચલાવી ફરાર થઇ ગયા હતા.
ઘટના અંગે ધના ભાઈએ અંકલેશ્વર જીઆઇડીસી પોલીસ મથકે ફરિયાદ નોંધાવતા જીઆઇડીસી પોલીસે ગુનો નોંધી અજાણ્યા બાઇક સવાર ઇઅમોને ઝડપી પાડવાના ચક્રો ગતિમાન કર્યા હતા, મહત્વનું છે કે અંકલેશ્વરમાં રાત્રીના સમયે લુખ્ખા તત્વોનો આતંક વધ્યો હોય તેમ અવારનવાર સામે આવતી આ પ્રકારની ઘટનાઓ ઉપરથી કહી શકાય તેમ છે.
Advertisement
હાલ તો અવારનવાર બનતી આ પ્રકારની ઘટનાઓ ઉપર અંકુશ મેળવવા માટે જાગૃત નાગરિકો દ્વારા પોલીસ પેટ્રોલીંગમાં વધારો કરે તેવી લોક માંગ કરવામાં આવી છે.
