અંકલેશ્વરમાં એન.સી.ટી.એલ કંપની પાસેથી ગૌ માસનાં જથ્થા સાથે બે ઈસમો ઝડપાયા.

અંકલેશ્વરના ઉમરવાડા રોડની એન.સી.ટી.એલ કંપની નજીકથી વાનમાં શંકાસ્પદ ગૌ માસનો જથ્થા લઇ જતાં બે ઈસમોને પોલીસે બાતમીના આધારે ઝડપી પાડ્યા હતા. અંકલેશ્વરના ઉમરવાડા રોડ ઉપરથી મારુતિ વાનમાં ગૌ માસનો જથ્થો લઈ બે ઇસમો પસાર થવાના છે તેવી બાતમીના આધારે શહેર પોલીસ મથકનો સ્ટાફ એન.સી.ટી.એલ કંપની પાસે અટકાયત કરી હતી અને તેમાં તપાસ કરતાં તેમાંથી અંદાજિત 100 કિલો જેટલો શંકાસ્પદ ગૌ માસનો જથ્થો મળી આવ્યો હતો. પોલીસે અંકલેશ્વરના કસાઈવાડ વિસ્તારના મુલ્લાવાડમાં રહેતા અકરમ શબ્બીર કુરેશી અને મહમદ મુક્તિયાર ઇબ્રાહિમ કુરેશીની ધરપકડ કરી ગૌ માસનો જથ્થો કબ્જે કરી વધુ કાર્યવાહી હાથ ધરી છે.