બનાવ અંગેની પ્રાપ્ત માહિતી અનુસાર ભરૂચ જિલ્લાના અંકલેશ્વર ખાતે આવેલ ગડખોલ પાટીયા વિસ્તારમાં ગત રાત્રીના સમયે અંકલેશ્વર શહેર પોલીસે ભારતીય બનાવટના વિદેશી દારૂનો જથ્થો ભરેલ એક ઇક્કો ગાડીને ઝડપી પાડી લાખો રૂપિયાનો મુદ્દામાલ કબ્જે કર્યો છે.
સુરત તરફથી ભારતીય બનાવટનો વિદેશી દારૂ ભરી ભરૂચ તરફ ઇકો કાર નંબર GJ 19 BA 0918 આવી રહી હતી તે દરમિયાન ગાડીને પોલીસે રોકવા જતા ચાલક ગડખોલ પાટિયા પાસે પોતાની કાર મૂકી સ્થળ પરથી ફરાર થઇ ગયો હતો.
Advertisement
પોલીસે સમગ્ર મામલે ઈકો કાર કિંમત ૨ લાખ તેમજ વિદેશી દારૂનો ૨૪ હજારનો જથ્થો સહિત કારમાંથી એક મોબાઈલ ફોન જેની કિંમત ૧૧ હજાર મળી કુલ ૨.૩૫ લાખનો મુદ્દામાલ કબ્જે કરી અજાણ્યા બુટલેગરો સામે ગુનો દાખલ કરી તેઓને ઝડપી પાડવાના ચક્રો ગતિમાન કર્યા છે.
