અંકલેશ્વર જીઆઇડીસી વિસ્તારમાં વીજ કંપનીના ટ્રાન્ફમરમાં શૉર્ટસર્કીટના કારણે ભડકો થતા નાશભાગ મચી જવા પામી હતી.

અંકલેશ્વર જીઆઇડીસી વિસ્તારમાં દક્ષિણ ગુજરાત વીજ કંપની દ્વારા રોડની બાજુમાં મુકવામાં આવેલ શૉર્ટસર્કીટના કારણે ભડકો થતા તાત્કાલિક વીજ કંપનીનો સ્ટાફ દોડી ગયો હતો અને વીજ પ્રવાહ બંધ કરી દીધો હતો. આ ઘટના અંગે ડીપીએમસી ફાયર સ્ટેશનમાં જાણ કરતા એક ફાયર ટેન્ડર સાથે ફાયર ફાઈટરો દોડી આવ્યા હતા,જો કે ફાયર ફાઇટરો પહેલા આગ બુઝાય ગઈ હતી અને વીજ કંપનીના કર્મચારીઓ દ્વારા સમારકામ હાથ ધરવામાં આવ્યું હતું.