ભરૂચની સંસ્કાર વિદ્યાભવન દ્વારા શાળાના પૂર્વ વિદ્યાર્થી અને કેલેન્ડર બોય તરીકે જાણીતા ધનેશ ખટવાણીનું સન્માન કરાયું.

દિનેશભાઇ અડવાણી

ભરૂચની મણી બા ચુનીલાલ પટેલ સંસ્કાર વિદ્યાભવનમાં ત્રીજા ધોરણ સુધી અભ્યાસ કરનાર ધનેશ ખટવાણી નામનો વિદ્યાર્થી કેલેન્ડર બોય તરીકે જાણીતો છે.આ વિદ્યાર્થીની વિશેષતા એ છે કે તે આ સદીના કોઈ પણ વર્ષના કોઈ પણ મહિનાની કોઈપણ તારીખે કયો વાર આવે છે તેનો પળવારમાં ઉત્તર આપી દે છે.વિદ્યાર્થીની આ અનોખી સિદ્ધિ બદલ શાળા પરિવાર દ્વારા તેનું સન્માન કરવામાં આવ્યું હતું.આ પ્રસંગે શાળાના મેનેજિંગ ટ્રસ્ટી પુષ્પાબેન પટેલ,વહીવટદાર નીકી મહેતા,આચાર્ય શર્મિલા દાસ તેમજ શિક્ષકો અને વાલીઓ ઉપસ્થિત રહ્યા હતા.