દિનેશભાઇ અડવાણી
ભરૂચ જિલ્લા પોલીસ વડા રાજેન્દ્રસિંહ ચુડાસમાના માર્ગદર્શન મુજબ ભરૂચ જિલ્લામાં બનતા મિલ્કત સંબંધી ગુનાઓ અટકાવવા તેમજ અનડિટેક્ટ ગુનાઓને શોધી કાઢવા માટે સુચના આપવામાં આવી છે.જે મુજબ પોલીસ ઇન્સ્પેક્ટર જે.એન.ઝાલાના માર્ગદર્શન હેઠળ પોલીસ સબ ઇન્સ્પેક્ટર વાય.જી.ગઢવી તેમની ટીમના માણસો સાથે પેટ્રોલિંગમાં હતા તે દરમિયાન માંડવા ટોલપ્લાઝા ખાતેથી બિલ આધાર અને પુરાવા વગરના શંકાસ્પદ ખેરના લાકડા ભરેલા ટેમ્પા સાથે ત્રણ ઈસમોને પકડી પાડ્યા હતા તેમજ એક ઈસમ નાસી ગયો હતો.કબજે કરેલ મુદ્દામાલમાં ખેરના લાકડા વજન ૨૫૧૦ કિલોગ્રામ જેની આશરે કિંમત રૂપિયા 75000 તથા ૪૦૭ ટેમ્પા નંબર GJ-6 w-૯૬૪૬ કિંમત રૂપિયા બે લાખ તથા મારુતી ફન્ટી કાર નંબર GJ-૬ AA-૮૦૨૯ કિંમત રૂપિયા ૫૦,૦૦૦ તથા મોબાઇલ નંગ-૪ કિંમત રૂપિયા ૧૧૫૦૦ સાથે અંગજડતીના રોકડા રૂપિયા ૧૦૬૦ મળી કુલ ૩,૩૭,૫૬૦નો મુદ્દામાલ જપ્ત કર્યો છે.આ બાબતે વધુ તપાસ કરતા ખેરના લાકડા ક્યાંથી આવ્યા અને ક્યાં જવાના હતાં આ બાબતે ઘનિષ્ઠ તપાસ ચાલુ છે.
પકડાયેલા આરોપીઓ
(૧) ઝુબેર મોહંમદ હનીફ બોકડા ઉંમર વર્ષ ૨૩,
રહે મેદાપ્લોટ વેજલપુર રોડ ગોધરા જિલ્લો.પંચમહાલહા.
(૨) ફહીમ બશીર ખાન પઠાણ ઉમર વર્ષ ૨૫,
રહે ગેનીપ્લોટ સાતપુડ વેજલપુર રોડ ગોધરા જિલ્લા.પંચમહાલ.
(૩) ફઝલે કરીમ ઈબ્રાહીમ હુરિ ઉંમર વર્ષ ૩૫,
રહે ચેતનદાસ પ્લોટ વેજલપુર રોડ ગોધરા જિલ્લો.પંચમહાલ.
આ કામગીરી પો.સ.ઈ વાય.જી.ગઢવી, અ.હે.કો કનકસિંહ શાંતિલાલ તથા અ.હે.કો અજયભાઈ રણછોડભાઈ તથા અ.હે.કો હિતેશભાઈ ફતેસિંહ તથા અ.હે.કો પરેશભાઈ ગોવિંદ તથા અ.હે.કો વર્ષાબેન રમણભાઈ તથા અ.પો.કો તરુણભાઈ રવજીભાઈ દ્વારા ટીમવર્કથી કરવામાં આવી હતી.
