દિનેશભાઇ અડવાણી
ભરૂચ જિલ્લા પોલીસ વડા રાજેન્દ્રસિંહ ચુડાસમા તરફથી જિલ્લામાં પ્રોહિબિશનના ગુનાઓ નાબૂદ કરવા સૂચના આપવામાં આવી છે.જે અનુસંધાને ઇન્ચાર્જ પોલીસ ઇન્સ્પેક્ટર જે.એન.ઝાલાના માર્ગદર્શન હેઠળ એલ.સી.બી પો.સ.ઈ એ.એસ.ચૌહાણ તથા સ્ટાફના માણસો આજરોજ નાઈટ પેટ્રોલિંગમાં હતા તે દરમિયાન સાથેના પો.કો વિશાલભાઈને મળેલ બાતમી આધારે ભરૂચ શહેર રોટરી ક્લબ પાછળ મારવાડી ટેકરા પાસેથી એક ઓટો રીક્ષા નંબર GJ-૧૬ Z ૨૪૩૨ માંથી ભારતીય બનાવટના વિદેશી દારૂ સાથે આરોપી અકરમ ઉર્ફે બકરો સલીમ શેખ રહે, બહારની ઉંડાઇ સ્વામિનારાયણ મંદિર પાછળ ભરૂચ ને ઝડપી પાડેલ છે.રિક્ષામાંથી ભારતીય બનાવટના વિદેશી દારૂની પેટીઓ નંગ-૯ જેમાં બોટલ નંગ-૨૪૦ તથા બિયર ટીન નંગ-૯૬ તથા એક મોબાઇલ તેમજ એક ઓટોરિક્ષા મળી કુલ ૮૮,૬૦૦ નો મુદ્દામાલ કબજે કરી આગળની કાર્યવાહી માટે ભરૂચ શહેર એ-ડીવીઝન પોલીસ સ્ટેશનમાં સોંપવામાં આવેલ છે.ઉપરોક્ત કામગીરી પો.સ.ઈ એ.એસ.ચૌહાણ,હે.કો અજયભાઈ,સંજયદાન,જયેન્દ્રભાઈ,પો.કો વિશાલભાઈ દ્વારા ટિમવર્કથી કરવામાં આવી હતી.
