ભરૂચ.
ભરૂચ જિલ્લાના નબીપુર ગામમાં વીજ કંપની દ્વારા અચાનક અને સઘન વીજ ચેકિંગ અભિયાન હાથ ધરાતા વહેલી સવારથી જ સમગ્ર વિસ્તારમાં ચકચાર મચી ગઈ હતી. પોલીસ બંદોબસ્ત સાથે વીજ કંપનીની કુલ ૨૮ ટીમોએ ગામમાં પ્રવેશ કરી ઘરોઘર તપાસ શરૂ કરતા લોકો ઊંઘમાંથી જાગી ગયા હતા.
Advertisement
પ્રાપ્ત વિગતો મુજબ, આ કાર્યવાહી દરમિયાન કુલ ૧૨૬૭ વીજ જોડાણોની ચકાસણી કરવામાં આવી હતી. તપાસમાં ૪૦ જોડાણોમાં ગેરરીતિ ઝડપાઈ હતી. વીજ કંપનીએ આ ગેરરીતિઓને પગલે અંદાજે રૂ. ૪૮.૨ લાખની વીજ ચોરી બહાર કાઢી હોવાનું જણાવ્યું છે.
અચાનક થયેલા આ કડક ચેકિંગથી નબીપુરમાં વીજ ચોરી કરનારાઓમાં ફફડાટ વ્યાપી ગયો છે. વીજ કંપનીના અધિકારીઓએ સ્પષ્ટ કર્યું છે કે વીજ ચોરી સામે આવી કાર્યવાહી આગળ પણ ચાલુ રહેશે અને નિયમ ભંગ કરનારાઓ સામે કડક પગલાં લેવામાં આવશે.
