અંકલેશ્વરના ગંગા જમના વિસ્તારમાં બેકાબુ કાર અકસ્માતનો બનાવ સામે આવ્યો છે. કારચાલકે અચાનક નિયંત્રણ ગુમાવતા વાહન સોસાયટીની દિવાલ તોડી સીધું ઘરમાં ઘૂસી ગયું હતું, જેના કારણે વિસ્તારમાં દોડધામ મચી ગઈ હતી.મળતી માહિતી અનુસાર બેકાબુ બનેલી કારે રસ્તા પર ઉભેલી અન્ય એક કારને પણ અડફેટમાં લીધી હતી. અકસ્માતની ગંભીરતા જોતા મોટી જાનહાનીની ભીતિ સેવાઈ હતી પરંતુ સદનસીબે આ ઘટનામાં કોઈ જાનહાની નોંધાઈ નથી.અકસ્માતના પગલે સોસાયટીના રહીશો ભયભીત થઈ ઘરની બહાર દોડી આવ્યા હતા. ઘટનાની જાણ થતાં સ્થાનિક પોલીસ ઘટના સ્થળે પહોંચી તપાસ શરૂ કરી હતી. અકસ્માતમાં મકાનની દિવાલ તેમજ વાહનોને નુકસાન પહોંચ્યું હોવાનું જાણવા મળ્યું છે.પોલીસ દ્વારા અકસ્માતના કારણોની તપાસ હાથ ધરવામાં આવી છે.
Advertisement
