ભરૂચ તાલુકાના શંખવાડ ગામની સીમામાં આવેલી ખાડીમાંથી ડિકમ્પોઝ હાલતમાં એક અજાણ્યા પુરૂષનો મૃતદેહ નજરે પડતા વિસ્તારમાં ચકચાર મચી ગઈ હતી. ઘટનાની જાણ સ્થાનિકોએ તાત્કાલિક ભરૂચ તાલુકા પોલીસને કરી હતી.
માહિતી મળતા જ ભરૂચ તાલુકા પોલીસનો કાફલો ઘટના સ્થળે પહોંચ્યો હતો. મૃતદેહ ભારે ડિકમ્પોઝ હાલતમાં હોવાથી પોલીસ દ્વારા સામાજિક કાર્યકર ધર્મેશ સોલંકીનો સંપર્ક કરવામાં આવ્યો હતો. ધર્મેશ સોલંકી તેમની ટીમ સાથે સ્થળ પર પહોંચીને મૃતદેહને ખાડીમાંથી બહાર કાઢી પી.એમ. અર્થે ભરૂચ સિવિલ હોસ્પિટલ ખાતે ખસેડવામાં આવ્યો હતો.
Advertisement
ઘટનાને લઈ ભરૂચ તાલુકા પોલીસ દ્વારા આગળની વધુ તપાસ હાથ ધરવામાં આવી રહી છે.
