ટેન્કર ચાલકે કોઈ આડાશ કે સિગ્નલ નહીં મુકતાં રાત્રે ઘટના બની
।ભરૂચ !
વાગરા તાલુકાના લખીગામ ખાતે રહેતાં અને આરતી કંપનીમાં પેટા કોન્ટ્રાક્ટ મોહિતી એન્ટરપાઈઝમાં હેલ્પર તરીકે ફરજ બજાવતાં ગોવિંદકુમાર દિનેશ દાસ સાંજે સાડાપાંચ વાગ્યાના અરસામાં તેમની રૂમ પર સુઈ રહ્યો હતો. તે વેળાં તેમના કોન્ટ્રાકટમાં સુપરવાઈઝર તરીકે ફરજ બજાવતો સંદેશ વિષ્ણુ વિશિષ્ટ ( હાલ રહે. દહેજ ચોકડી, મુળ રહે. આગરા યુપી) તેમની રૂમ પર નવેક વાગ્યે આવ્યો હતો. તેમની હાજરીનું રજીસ્ટર લઈને તે પરત દહેજ જવા માટે રવાના થયો હતો. જે બાદ તેઓ પરત સુઈ ગયાં હતાં.
અરસામાં તેમના સાઈટ હેડએ તેમને દશેકવાગ્યે ફોન કરી જણાવ્યું હતું કે, બિરલા કોપર કંપની પાસે સંદેશનો અકસ્માત થયો છે. જેથી તેઓએ તુરંત સ્થળ પર દોડી જઈ તપાસ કરતાં બિરલા કોપર કંપનીના મેઈન ગેટથી ૬ નંબરના ગેટ વચ્ચે એક સિમેન્ટ બ્લ્યુકર ટેન્કરના ચાલકે તેનું ટેન્કર અડધુ રોડ પર પાર્ક કર્યું હતું. તેમજ તેની આગળ-પાછળ કોઈ આડશ કે સિગ્નલ રાખ્યું ન હતું. જેના કારણે બાઈક ચાલક સંદેશે ત્યાંથી પસાર થતાં સમયે અંધારામાં ટેન્કર નહીં દેખાતાં ટેન્કરની પાછળ ડ્રાઈવર સાઈટ પોતાની બાઈક અથાડી દેતાં અકસ્માત સર્જાયો હતો. અકસ્માતમાં ગંભીર ઈજાઓને કારણે તેનું સ્થળ પર જ મોત નીપજયું હતું. જયારે બાઈકનો પર ખુરદો બોલી ગયો હતો. બનાવને પગલે દહેજ પોલીસે ગુનો નોંધી તપાસ હાથ ધરી છે.
