ભરૂચ તાલુકા ના પરીએજ ગામ નજીક ટેમ્પોમાં ક્રૂરતા પૂર્વક બે ગાયો ને લઈ જતા શખ્સને ભરૂચ બી ડીવીઝન પોલીસે ઝડપી તેના વિરુદ્ધ પશુ ઘાતકીપણા એક્ટ અંતર્ગત કાર્યવાહી કરી તેની પાસેથી રૂ.200,000 ઉપરાંતનો મુદામાલ કબ્જે કર્યો હતો. ભરૂચ ના બી ડીવીઝન પોલીસના પીઆઇ જી.આર.શર્મા ને મળેલી બાતમીના આધારે પરીએજ થી એક ટેમ્પામાં બે ગાયો ને ભરી કતલખાને લઈ જવામાં આવનાર હોય તેને અધ્વચ્ચે રોકી બે ગૌવંશને છોડાવી હતી. તેમજ ટેમ્પો ચાલાક ઇમરાન ઈબ્રાહીમ જોખમા તેમજ મુબારક ઈબ્રાહીમ પટેલ નામના બે શખ્શોની ટેમ્પા સહીત અટકાયત કરી તેમની વિરુદ્ધ પશુ ઘાતકીપણા એક્ટ તેમજ પશુ સંરક્ષણ સુધારા અધિનિયમ નો ગુનો દર્જ કરી કાયદેશરની કાર્યવાહી હાથ ધરી હતી.
Advertisement
