વાગરા તાલુકાના જોલવા ગામ નજીક દુઃખદ અકસ્માતની ઘટના સામે આવી છે. મળતી માહિતી મુજબ, જોલવા ગામે રહેતો અને મૂળ ઉત્તર પ્રદેશનો 22 વર્ષીય રાહુલ મોહંમદ ઇસ્લામ ગત રાત્રે જોગેશ્વર સ્થિત હાકોર્સ કંપનીમાં ફરજ બજાવી પોતાના ઘરે પરત ફરી રહ્યો હતો.
આ દરમિયાન જોલવા જીઓ પેટ્રોલ પંપ પાસે તેની બાઇકને એક અજાણ્યા ટેમ્પા ચાલકે જોરદાર ટક્કર મારી હતી. અકસ્માત એટલો ભયાનક હતો કે યુવાન રસ્તા પર ફંગોળાઈ ગયો હતો. ઘટના બાદ ટેમ્પા ચાલક સ્થળ પરથી ફરાર થઈ ગયો હતો.
Advertisement
અકસ્માતની જાણ થતાં જ કોન્ટ્રાકટર અને નજીકના લોકો તરત જ ઘટના સ્થળે દોડી આવ્યા હતા, પરંતુ યુવાનનું ઘટનાસ્થળે જ મોત નીપજ્યું હોવાનું જાણવા મળ્યું હતું.
આ બનાવ અંગે દહેજ પોલીસ મથકે અકસ્માત મોતનો ગુનો નોંધી ફરાર ટેમ્પા ચાલકની શોધખોળ હાથ ધરી છે. પોલીસે આસપાસના સીસીટીવી ફૂટેજ અને અન્ય પુરાવાના આધારે તપાસ તેજ કરી છે.
