ભરૂચ.
ભરૂચ એસઓજીમાં ફરજ બજાવતાં એએસઆઇ રવિન્દ્ર તેમના સ્ટાફના હેકો સુરેશ, પોકો મોહમદગુફરાન તેમજ તનવીર સાથે શહેરમાં પેટ્રોલિંગમાં હતાં. તે વેળાં તેમને ચોક્કસ બાતમી મળી હતી કે, એક બોલેરો પીકઅપના ચાલકે ગુલશન ગેજ એજન્સીમાંથી ગાડીમાં રાંધણગેસની બોટલો ભરી કાલુપીર ટકીયા – ધાનવાડી ખાતે આવી બોલેરો પીકઅપ ચાલક ગેસની બોટલોમાં ગેસ રિફીલિંગ કરે છે. જેના પગલે તેમણે તુરંત સ્થળ પર દરોડો પાડ્યો હતો. ટીમે બોલેરો પીકઅપ ગાડી ધાનવાડી પાસે બાવળની ઝાડીઓમાં પાર્ક કરેલી હોઇ ત્યાં પહોચી તપાસ કરતાં એક શખ્સ ગેસ રિફીલિંગ કરતો જણાતાં ટીમે તેની ધરપકડ કરતાં તેનું નામ સુનિલ ધનારામ બિશ્નોઇ (હાલ રહે. શિલ્પી સોસાયટી, ચાવજ ગામ, મુળ રહે. બોજાસર રાજસ્થાન) હોવાનું તેમજ તે જાતે ગુલશન ગેસ સર્વિસ ઇન્ડિયન ગેસમાં કમિશનથી ડિલીવરીબોય તરીકે નોકરી કરે છે. ટીમે તપાસ કરતાં તે એક ભરેલાં બોટલોમાંથી થોડો થોડો ગેસ કાઢી ખાલી બોટલ ભરતો હતો. તેમજ ગેરકાયદે રીતે ગેસ રિફીલિંગ કરી સમયે ગેસ લીકેજ થવાથી કોઇ દુર્ઘટના બને તો પોતાની અને અન્ય લોકોની જીંદગી જોખમમાં મુકાય તેવી શક્યતાં હોવા છતાં તે આવુ કૃત્ય કરતો હોવાને કારણે ટીમે તેની સામે ભરૂચ બી ડિવિઝન પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
