ભરૂચ : વાતરસા-કોઠી ગામની છાત્રાએ રાજય કક્ષાના કલા ઉત્સવમાં પ્રતિનિધિત્વ કર્યું, જિલ્લાનું ગૌરવ વધાર્યું.

તારીખ ૨૩થી ૨૫ સુધી ગાંધીનગર સ્થિત GCERT દ્વારા આયોજીત રાજ્ય કક્ષાના કલા ઉત્સવનું આયોજન થયેલ છે.જેમાં તમામ જીલ્લાઓમાંથી પ્રથમ નંબર મેળવનાર વિદ્યાર્થીઓનો સુંદર મેળાવડો થયો છે.જેમાં આમોદ તાલુકાના કોઠી-વાતરસા પ્રાથમિક શાળાની વિદ્યાર્થીની પટેલ હફસા મ.જુબેર કાવ્ય લેખન વિભાગમાં સમગ્ર ભરૂચ જિલ્લાનું પ્રતિનિધિત્વ કરી રહી છે.આ સિદ્ધિ પ્રાપ્ત કરી તેણીએ સમગ્ર જીલ્લા ઉપરાંત કોઠી-વાતરસા ગામ અને ટંકારીઆ ગામનું નામ રાજ્ય સ્તરે ચમકાવ્યું છે.આ બહુમાન અપાવવા બદલ હફસાને ભરૂચ જિલ્લા વતી ચારે તરફથી અભિનંદનની વર્ષા થઈ રહી છે.