આમોદ તાલુકાના રોજા ટંકારિયા ગામ પાસે એક ટ્રક ચાલકે બાઈક સવારને ટક્કર મારતાં તેમનું ગંભીર ઈજાઓને કારણે સ્થળ પર જ મોત નીપજ્યું હતું. બનાવને પગલે આમોદ પોલીસે ગુનો નોંધી આગળની કાર્યવાહી હાથ ધરી છે.
Advertisement
આમોદના રોજાટંકારિયા ગામે શુક્રવારે સાવરના સમયે એક બાઈક તેમજ ટ્રક વચ્ચે અકસ્માત સર્જાવાની ઘટના બની હતી, જેમાં ટ્રકની ટક્કરે બાઈક ચાલકને ગંભીર ઈજાઓ પહોંચતાં તેમનું ઘટના સ્થળ પર જ કમકમાટીભર્યું મોત નીપજ્યું હતું. પ્રાથમિક તબક્કામાં મૃતકની ઓળખ વિજય લક્ષ્મણ પરમાર (રહે. અંભેટા, તા. વાગરા) તરીકે થઈ હતી. અકસ્માતની જાણ થતાં આમોદ પોલીસ મથકનો સ્ટાફ તુરંત સ્થળ પર દોડી આવ્યો હતો. ટીમે મૃતકના દેહને પોસ્ટમોર્ટમ માટે આરોગ્ય કેન્દ્રમાં ખસેડવા સાથે મૃતકના પરિવારજનોને જાણ કરવાની કવાયત હાથ ધરી હતી. બનાવને પગલે આમોદ પોલીસે ગુનો નોંધી આગળની કાર્યવાહી હાથ ધરી છે.
