Proud of Gujarat
bharuchCrime & scandalFeaturedGENERAL NEWSGujaratINDIAUncategorized

રાણીપુરામાં નહેરમાં ગાબડું પડતાં બસ સ્ટેન્ડ પાસેનો મુખ્ય માર્ગ પાણીમાં ગરકાવ : ચોમાસા વગર જ રસ્તા પર પાણી ફરી વળતાં ગ્રામજનો પરેશાન : ખેડૂતોના તૈયાર પાકને નુકસાનની ભીતિ, જવાબદારો સામે કાર્યવાહીની માંગ

Share

 

આમોદ તાલુકાના રાણીપુરા ગામે નહેરમાં ગેરકાયદેસર રીતે ગાબડું પાડવામાં આવ્યું હોવાના આક્ષેપો વચ્ચે ગામના બસ સ્ટેન્ડ પાસેના મુખ્ય માર્ગ પર પાણી ફરી વળતાં ગ્રામજનો મુશ્કેલીમાં મુકાયા છે. ચોમાસાની ઋતુ ન હોવા છતાં રસ્તા પર પાણી ભરાઈ જતાં વહેલી સવારથી જ વાહનચાલકો અને રાહદારીઓને ભારે હાલાકીનો સામનો કરવો પડી રહ્યો છે.

Advertisement

નહેરમાંથી પાણી મુખ્ય માર્ગ પર ફરી વળતાં રસ્તા પર પાણી ભરાઈ ગયું હતું. જેના કારણે વૃદ્ધો, નાના બાળકો તેમજ રોજિંદી અવરજવર કરતા ગ્રામજનોને ઠંડા પાણીમાંથી પસાર થવાની ફરજ પડી હતી. બીજી તરફ નહેરના પાણીથી આસપાસના ખેતરોમાં પણ પાણી ફરી વળતાં ખેડૂતોના તૈયાર પાકને નુકસાન થવાની ભીતિ સેવાઈ રહી છે. મહિનાઓની મહેનત બાદ તૈયાર થયેલા પાકમાં પાણી ભરાતાં ખેડૂતોમાં ચિંતા ફેલાઈ છે.

આ મામલે આમોદના જાગૃત ખેડૂત ઉમેશ પંડ્યાએ લેખિત તેમજ મૌખિક રજૂઆત કરી તંત્રનું ધ્યાન દોર્યું છે. તેમણે નહેરમાં ગેરકાયદેસર રીતે ગાબડું પાડનાર તત્વોની ઓળખ કરી તાત્કાલિક ગાબડું બંધ કરાવવા અને જવાબદારો સામે કડક કાયદેસરની કાર્યવાહી કરવાની માંગ કરી છે.

નહેરમાં ગાબડું કોણે પાડ્યું અને આટલી મોટી સમસ્યા સર્જાઈ ત્યાં સુધી સંબંધિત તંત્રને જાણ કેમ ન થઈ તેવા સવાલો પણ ગ્રામજનોમાં ઉઠી રહ્યા છે. ખેડૂતોને થનારા નુકસાનની જવાબદારી કોણ લેશે તે મુદ્દે પણ ચર્ચા ચાલી રહી છે.

હવે તંત્ર દ્વારા સ્થળ તપાસ કરી નહેરનું ગાબડું તાત્કાલિક બંધ કરાવવામાં આવે, ગ્રામજનોને રાહત આપવામાં આવે અને પાકને થયેલા નુકસાનનું સર્વેક્ષણ કરી ખેડૂતોને વળતર અપાય તેવી માંગ ઉઠી છે. જવાબદારો સામે કાર્યવાહી ક્યારે થશે અને ખેડૂતોને નુકસાનનું વળતર ક્યારે મળશે તે જોવું રહ્યું.


Share

Related posts

ભરૂચમાં નેશનલ હાઇવે ઓથોરિટીના પાપે અનેક લોકો રોજગાર- ઘરવિહોણા બન્યા

ProudOfGujarat

અંકલેશ્વર પાનોલી જી આઈ ડી સી માં આવેલ કેમિકલ કંપનીમાં ભીષણ આગ લાગતા અફરાતફરી નો માહોલ સર્જાયો હતો તેમજ ઘટના માં બે કામદાર ના મોત અને ત્રણ જેટલા કામદારો ઘાયલ થતા સારવાર અર્થે ખસેડવામાં આવ્યા હતા…

ProudOfGujarat

ઝઘડિયા તાલુકાના ગોવાલી ગામે ગ્રામ પંચાયતે બાંધકામની પરવાનગી રદ કરવા છતાં કામ ચાલુ રખાતા ઉચ્ચ કક્ષાએ નોટિસ.

ProudOfGujarat

Leave a Comment

error: Content is protected !!