ભરૂચનાં બાદશાહી મસ્જીદ નજીક રમજાન માસ નિમિત્તે દર વર્ષની જેમ આ વર્ષે પણ હજારો ગરીબ પરિવારોને કીટનું વિતરણ કરાયું હતું.

દર વર્ષની જેમ આ વર્ષે પણ ભરૂચ શહેરના ફુરજા ચાર રસ્તા વિસ્તારમાં બાદશાહી મસ્જીદ ખાતે હઝરત ગરીબ શાહ ફિદા ચેરીટેબલ ટ્રસ્ટ દ્વારા રમજાન માસની કિટનું વિતરણ કરવામાં આવ્યું હતું,૨૦૦૦ જેટલી કિટો ગરીબ પરિવારો માટે સ્થાનિક નગર પાલિકાના કાઉન્સીલર યુસુફ મલેક અને તેઓના ટ્રસ્ટના સભ્યો દ્વારા કરવામાં આવ્યું હતું. હાલમાં કોરોના મહામારી ચાલી રહી છે જેને લઇ સોશિયલ ડિસ્ટનસિંગ સહિત માસ્કનું પાલન કરી કીટનું વિતરણ કરાયું હતું,લોક ડાઉનની સ્થિતિ વચ્ચે પણ લોકો પવિત્ર રમજાન માસની ઉજવણી કરી શકે તે બાબતોને પણ ખાસ ધ્યાનમાં રાખવામાં આવી હતી.