ભરૂચમાં ગુટખા ભરેલ ટેમ્પો સાથે એકની ધરપકડ, લાખોનો મુદ્દામાલ કબ્જે જાણો વધુ.

કોરોના મહામારીને લઈ સમગ્ર દેશમાં લોક ડાઉનની સ્થિતિ છે તેવામાં ગુટખાનું કાળા બજાર થવા લાગ્યું છે,ગુટખાની પડીકીઓ વેપારીઓ પાસેથી લઇ તગડા ભાવમાં વેચાણ અંદર ખાને ચાલી રહ્યું છે. ત્યારે ભરૂચ એ ડીવીઝન પોલીસ મથકનાં સ્ટાફને મળેલ બાતમીના આધારે નંદેલાવ ઓવરબ્રિજ નીચેથી પસાર થતા એક ટેમ્પોને રોકી તેમાં તલાસી લેતા મોટી માત્રામાં ગુટખાનો સામાન મળી આવતા પોલીસે GJ,6 AT 0771 ટેમ્પાનાં ચાલકની ધરપકડ કરી તેની સામે કાયદેસરની કાર્યવાહી હાથધરી છે. મામલામાં પોલીસે 1.50 લાખના ટેમ્પો સહિત અંદાજીત 1.60 લાખ ગુટખા મળી ૩ લાખ ઉપરાંતનો મુદ્દામાલ કબ્જે કર્યો હતો, મહત્વનું છે કે લોક ડાઉનની સ્થિતિમાં વ્યસન કર્તાઓની લતનો ફાયદો કેટલાક તત્વો 4 ગણા મોંઘા ભાવે પડીકીઓ વેચીને મેળવી રહ્યા છે તે કડવી વાસ્તવિકતા પણ છે.