ભરૂચ : ધાર્મિકતા સાથે નોકરીની નિષ્ઠા, રોઝા રાખી ફરજ પર જ નમાજ અદા કરતા ભરૂચનાં મુસ્લિમ પોલીસ કર્મીઓ.

હાલ કોરોના વાયરસની મહામારી વચ્ચે લોક ડાઉનનું પાલન કરાવવા પોલીસનાં જવાનો રાત દિવસ મહેનત કરી રહ્યા છે ત્યારે હાલ મુસ્લિમ સમાજમાં પવિત્ર રમજાન માસ ચાલી રહ્યો છે. રમજાન માસ નિમિત્તે ભરૂચ પોલીસમાં ફરજ બજાવતા જવાનો પણ ફરજ સાથે નમાજ અદા કરતા નજરે પડી રહ્યા છે અને કોરોના જેવી મહામારીને માત આપવા જુસ્સા સાથે લડત લડી રહ્યા છે.