ભરૂચ તાલુકાનાં હીંગલ્લા ગામમાં રહેતી ૧૮ વર્ષીય સંજનાબેન વસાવા શનિવારે ઘરેથી કામ હોવાનું કહીને નીકળ્યા બાદ મોડી રાત્રી સુધી પરત ન આવતાં પરિવારજનો તપાસ હાથ ધરી હતી પરંતુ કોઇ પત્તો લાગ્યો ન હતો. આ દરમિયાન રવિવારની વહેલી સવારે ગામની સીમમાં આવેલ હારૂનભાઇના ખેતરમાં રહેલા એક વૃક્ષની ઝાડની ડાળી પર ફાંસો ખાધેલી હાલતમાં સંજના તેમજ ગામનો યુવાન વિક્રમ વસાવા નજરે પડ્યા હતા.જે અંગેની જાણ પોલીસને કરવામાં આવતા પોલીસ કાફલો ઘટનાસ્થળે દોડી ગયો હતો અને મૃતદેહોનો કબજો લઈ તપાસ હાથ ધરતાં બંને વચ્ચે પ્રેમ સંબંધ હોવાનું જાણવા મળ્યું હતું. પોલીસે તેમને આત્મઘાતી પગલું કેમ ભર્યું તે અંગેની તપાસ હાથ ધરી પોસ્ટમોર્ટમ માટે બંનેના મૃતદેહ સિવિલ હોસ્પિટલમાં મોકલી આપ્યા હતા. યુવક-યુવતી બંને ખેતમજૂરી કરતા હતા.
Advertisement
