ભરૂચ જિલ્લામાં આજે વધુ બે કોરોના દર્દીઓને કારણે જીલ્લામાં કુલ સંક્રમિત દર્દીઓની સંખ્યા 61 ઉપર પહોંચી ગઇ છે.

ભરૂચ જિલ્લામાં જિલ્લા બહારથી આવેલા લોકો હાલ સંક્રમિત થઇને આવી રહ્યા છે ત્યારે ભરૂચ જિલ્લામાં કોરોના વાઈરસથી સંક્રમિત લોકોની સંખ્યાઓમાં વધારો થઈ રહ્યો છે. ત્યારે ભરૂચ જિલ્લામાં આજરોજ આમોદ તાલુકાનાં આછોદ ગામે આરોગ્ય તપાસ ચાલી રહી હતી તે દરમિયાન આશા વર્કરો દ્વારા લેવાયેલા નમૂનાઓ પૈકી એક ૪૫ વર્ષીય મહિલાનો રિપોર્ટ આજે પોઝિટિવ આવ્યો હતો જેને લઇને જિલ્લાનું આરોગ્ય તંત્ર અને વહીવટી તંત્ર દોડતું થયું હતું અને તેમની ટ્રાવેલ હિસ્ટ્રી કાઢવામાં આવી રહી છે. તેઓને સારવાર અર્થે હોસ્પિટલમાં ખસેડવામાં આવ્યા છે. જ્યારે કે આજે ભરૂચ શહેરમાં અંકુર હોસ્પિટલનાં તબીબ ડોક્ટર મયંક પિત્તળિયાનો રિપોર્ટ પણ પોઝિટિવ આવ્યો હતો મળેલ વિગતો માટે વડોદરાથી એક સંક્રમિત દર્દીના સંપર્કમાં આવતા તેઓને કોરોના રિપોર્ટ પોઝિટિવ આવ્યો હોવાનો જાણવા મળ્યું છે ત્યારે ભરૂચ જિલ્લામાં કુલ 61 લોકો સંક્રમિત થયા છે.