ભરૂચ નેશનલ હાઇવે ઉપર પાલેજ નજીક હોટલ તુલસીનાં કંપાઉન્ડમાં પાર્ક કરેલી જીપમાંથી દારૂ સાથે સુરતનાં બે લોકોને ઝડપી લીધા હતા.

ભરૂચ લોકલ ક્રાઇમ બ્રાન્ચને મળેલી પાકી બાતમીને આધારે ગઇકાલે સાંજનાં સમયે નેશનલ હાઇવે નં.48 ઉપર પાલેજ નજીક આવેલ હોટલ તુલસીમાં ઊભેલી ટાટા એસ જીપમાં ચેક કરતાં તેમાંથી વિદેશી દારૂનાં 8 બોક્ષ મળી આવ્યા હતા. પોલીસે જીપ અને દારૂ મળીને કુલ રૂ.3,35,600 નો મુદ્દામાલ કબ્જે કર્યો હતો. પોલીસે સુરતનાં નિલેષ ધામેલીયા રહે. કતારગામ તથા સાગર જયસ્વાલ રહે.હોળી બગલા ઝુંપડપટ્ટી સુરતનાંઓને ઝડપી લઈ તેઓ કોને દારૂ આપવા જતાં હતા તે અંગે તપાસ શરૂ કરી છે.