ભરૂચ : વચગાળાનાં જામીન પરથી ફરાર થયેલ કાચા કામના આરોપીને ઝડપી પાડતી પેરોલ ફર્લો સ્કોડ.

ભરૂચ જિલ્લા પોલીસવડા રાજેન્દ્રસિંહ ચુડાસમાની સૂચનાથી પેરોલ ફર્લો સ્કોડ પોલીસે વચગાળાનાં જામીન પરથી ફરાર કેદી શોધી કાઢયો હતો. આ અંગેની વિગત જોતાં પેરોલ ફર્લો સ્કોડનાં પી.એસ.આઇ. બી.ડી. વાધેલાનાં જણાવ્યા અનુસાર તેમની ટીમનાં માણસોને બાતમી મળી હતી કે દહેજ પોલીસ સ્ટેશન ખાતે નોંધાયેલ ગુનાનાં કાચા કામનાં આરોપી સુરેશ બાલુભાઈ રાઠોડ રહે.ટાવર ફળિયા દહેજ તા.વાગરાને તા.20-5-2020 નાં રોજ બે માસ માટે તા.18-7-2020 સુધી વચગાળાનાં જામીન પર મુકત કરવામાં આવ્યા હતા. પરંતુ તેઓ 18-7-2020 નાં રોજ ભરૂચ સબજેલ ખાતે હાજર ન થતાં મળેલ બાતમીનાં આધારે દહેજ ખાતે તેના ઘરેથી પેરોલ ફર્લો સ્કોડએ ઝડપી પાડી કોરોના ટેસ્ટ અંગેની તજવીજ કરાવવા તેમજ આગળની કાર્યવાહી કરવા દહેજ પોલીસને સુપ્રત કરેલ છે.