ભરૂચ : ન્યુ કસક વિસ્તારમાંથી પોલીસે જુગારધામ ઝડપી 5 જુગારીયા સાથે રૂ. 39 હજાર કરતા વધુ રકમ જપ્ત કરી.

ભરૂચ નગરનાં ન્યુ કસક વિસ્તારમાંથી સી ડિવિઝન પોલીસે જુગાર રમતા 5 જુગારીયાઓને ઝડપી પાડયા હતા. આ અંગે મળતી વિગત મુજબ સી ડિવિઝન પોલીસને મળેલ બાતમી અનુસાર જિલ્લા પોલીસ વડા રાજેન્દ્ર સિંહ ચુડાસમાની સૂચના અનુસાર ન્યુ કસક પાણીની ટાંકી સામે રમતા જુગારીયા ઝડપી પાડવામાં આવ્યા હતા. જેમાં ન્યુ કસક વિસ્તારમાં રહેતા મહેશ ચંદુભાઈ ઓડ, ઈરફાન ગુલામ પટેલ, ઉસ્માન આદમ પટેલ, સુહેલ યુસુફભાઇ પટેલ અને હુસેન મહેમુદ શેખ રહે. જમીનદાર સોસાયટી ભરૂચને પી.આઈ ઉનડકટે ઝડપી પાડી વધુ તપાસ હાથ ધરી છે.