ભરૂચથી ઝાડેશ્વર તરફ જવાના માર્ગ પર ઠેરઠેર દબાણો ઊભા કરવામાં આવ્યા છે. ત્યાં દુકાનોનાં હોલ્ડિંગ અને પાટિયા નજરે પડે છે. જયારે કેટલીક દુકાનો સામે જાહેરાતો પણ દબાણ કરી રહી છે. આ ઉપરાંત શોપિંગ સેન્ટરનાં કેટલાંક કર્તાહર્તાઓ દ્વારા અન્ય દબાણો ઊભા કરવામાં આવ્યા છે.
પરંતુ ઝાડેશ્વર હરિહર શોપિંગ સેન્ટર વિસ્તારમાં દબાણ અંગે બૌડા તંત્રને અરજી પ્રાપ્ત થઈ હતી. જે અરજીનાં આધારે હરિહર શોપિંગ સેન્ટરનાં દબાણો દૂર કરવામાં આવ્યા છે. બૌડા કચેરીનાં અમલદારો પોલીસ કાફલા સહિત આવી જતાં ઝાડેશ્વર રોડ પરનાં અન્ય દુકાનદારોએ પણ દોડધામ કરી દીધી હતી. જેના પગલે અફરાતફરીનું વાતાવરણ ફેલાય ગયું હતું. તો ઝાડેશ્વર રોડ પર આવેલ શોપિંગ સેન્ટરનાં કર્તાહર્તાઓએ દબાણ દૂર કરવા અંગે તમામ કાર્યવાહી હાથ ધરી હતી.
Advertisement
