ભરૂચ : ગોલ્ડન બ્રિજ ખાતે નર્મદા નદીની સપાટીમાં વધારો થયો.

ઉપરવાસમાં ભારે વરસાદ વરસતા સરદાર સરોવર ડેમમાંથી પાણી છોડવામાં આવતા નર્મદા નદી બે કાંઠે વહી રહી છે. સૂત્રોનાં જણાવ્યા અનુસાર આજે સવારે 11 વાગ્યે ગોલ્ડન બ્રિજની સપાટી 18.53 ફૂટ નોંધાય હતી. જોકે ભરૂચ નજીક ગોલ્ડન બ્રિજ ખાતે નર્મદા નદી તેની સાવચેતીની સપાટી એટલે કે 22 ફૂટની સપાટી વટાવે તેવી સંભાવના છે. નર્મદા નદીની ભયજનક સપાટી 24 ફૂટ છે. સાવધાનીનાં હેતુસર નર્મદા નદીનાં કિનારાનાં ગામોને સાવધ કરવામાં આવ્યા છે. હાલમાં જ નર્મદા નદીમાં પૂર આવતા ગોલ્ડન બ્રિજ ખાતે 35 ફૂટ કરતાં વધુ સપાટીએ નર્મદા નદી વહેતી થતાં ભરૂચ જીલ્લામાં પૂરની તારાજી સર્જાય હતી.