વાંકલ
માંગરોલ તાલુકાના વાંકલ ગામમાં છેલ્લા કેટલાક દિવસોથી કપિરાજનો આતંક જોવા મળી રહ્યો છે. આઈઆઈએફ ગોલ્ડ લોન, સ્ટેટ બેંક ઓફ ઈન્ડિયા અને એટીએમ સામે વાનરોના ઉપદ્રવથી લોકોમાં ભયનું વાતાવરણ છે. ગ્રાહકો બેંક અને એટીએમમાં આવતા હોય ત્યારે વાનર તેમની પાછળ દોટ મૂકતા, કેટલાક ગ્રાહકો તો એટીએમમાં ઘુસી દરવાજો બંધ કરીને પોતાના બચાવમાં સફળ થયા હતા. સ્થાનિકોના જણાવ્યા અનુસાર બે વાનરોએ આખા વિસ્તારમાં હાહાકાર મચાવી દીધો છે, જેના કારણે લોકો રોજિંદા કાર્યો માટે બહાર નીકળતા ડરી રહ્યા છે. વાનરો સી.સી.ટી.વી.માં કેદ થયા છે. ગ્રામજનો હવે વન વિભાગને તાત્કાલિક પીંજરું મૂકી આ વાનરોને પકડવાની માંગ કરી રહ્યા છે.
