ભરૂચ : ઝાડેશ્વર વિસ્તારમાં શોર્ટ સર્કિટ થતાં 10 જેટલા વીજમીટર ફૂંકાયા.

ભરૂચ નજીક ઝાડેશ્વર રોડ પર આવેલ મધુરમ પાર્ટી પ્લોટ સામે ભારે વરસાદના પગલે શોર્ટ સર્કિટ થતા 10 જેટલા વીજ મીટર ફૂંકાઈ ગયા હતા. જેના પગલે અફરાતફરીનું વાતાવરણ સર્જાયું હતું. અંડર ગ્રાઉન્ડ વાયરીંગનાં કારણે આ બનાવમાં કામગીરી કરવામાં ફાયરબ્રિગેડના જવાનોને ભારે તકલીફનો સામનો કરવો પડયો હતો. બનાવના પગલે સમગ્ર વિસ્તારમાં વીજ ડુલ થઈ ગઈ હતી.