ને.હા. 48 પર નબીપુર ખાતે ઝનોર ચોકડી ઓવર બ્રિજ ઉપર ભરૂચ તરફથી વડોદરા તરફ જવાના માર્ગ ઉપર એક આઇસર ટેમ્પો જેનો નંબર MH 14 HG 2072 બપોરના સુમારે જઈ રહ્યો હતો ત્યારે પાછળથી આવતી ટ્રક નંબર GJ 12 AT6182 એ આઇસર ટેમ્પો જોડે પાછળથી ધડાકાભેર અથડાતાં ટેમ્પા ચાલકે સ્ટિયરિંગ પરનો કાબૂ ગુમાવતા ટેમ્પો બ્રિજની દીવાલ સાથે અથડાયો હતો જેમા ટેમ્પા ચાલક પોતાની સીટ ઉપર ફસાઈ ગયો હતો.
આ સમયે ટ્રાફિક જામ થઈ ગયો હતો નબીપુર પોલીસને જાણ થતા પોલીસ કાફલો ઘટના સ્થળે પહોંચી ગયો હતો અને ઘાયલ ટેમ્પા ચાલકને બહાર કાઢી વધુ સારવાર અર્થે એમ્બ્યુલન્સ મારફતે હોસ્પિટલ રવાના કર્યો હતો. પોલીસે આ દરમ્યાન ટ્રાફિકને પણ હળવો કરી પૂર્વવત કર્યો હતો. ઉલ્લેખનીય છે કે ટ્રક ચાલક અકસ્માત કરી ફરાર થઈ ગયો છે.
યાકુબ પટેલ : પાલેજ
Advertisement
