આજરોજ સવારે 8 વાગ્યાનાં સુમારે એક ટ્રક કેરિયર GJ 23 Y 5951 રાજકોટથી સુરત તરફ જતું હતું તે દરમ્યાન ડાયાદરા થઈ નબીપુર ને. હા. 48 પર જવા માટે આવતું હતું તે દરમ્યાન નબીપુર પ.રે. ફાટક પસાર કરતી વખતે કેરિયરમાં ભરેલ સામાન રેલવે ફાટકની ઉંચાઈ કરતા વધુ હોવાથી સામાન ફાટક ઉપર લાગેલ લોખંડની એંગલ જોડે ધડાકાભેર અથડાતાં કેટલોક સામાન તૂટીને નીચે પડયો અને કન્ટેનર ફસાઈ જતા રેલવે ફાટકને પણ નુકસાન થવા પામ્યું છે જેને કારણે ભારે વાહનચાલકો પરેશાન થઈ જવા પામ્યા છે.
બનાવ અંગે રેલવે પોલીસને જાણ કરતા તેઓ તરત ઘટના સ્થળે પહોંચી જઇ સ્થિતિને નિયંત્રિત કરી હતી. સદનસીબે આ અકસ્માતમાં કોઈને ઇજા થઇ નથી. રેલવે પોલીસે ટ્રક ચાલક સામે કાયદેસરની કાર્યવાહી હાથ ધરી છે.
Advertisement
