ભરૂચ એસ.ટી મઝદુર સંધ દ્વારા વિશ્વ નર્સિંગ દિવસની ઉજવણી કરાઇ.

ભરૂચમાં આજે વિશ્વ નર્સ દિવસની ઉજવણી કરાઇ હતી ત્યારે ભરૂચ વિભાગ એસ.ટી મઝદુર સંધ દ્વારા સિવિલ હોસ્પિટલ ખાતે નર્સિંગ દિવસ નિમિત્તે નર્સોનું સન્માન કરાયું હતું.

આજે સમગ્ર વિશ્વમાં નર્સિંગ દિવસની ઉજવણી કરાઇ છે. આજે સમગ્ર દુનિયામાં કોરોના મહામારી ચાલી રહી છે તેવામાં ભરૂચ જિલ્લાના તમામ નર્સ, નર્સિંગ સ્ટાફ દર્દીઓ માટે જીવના જોખમે ખડે પગે તેમનું કામ કરે છે. તેઓ પોતાની પરવા કર્યા વગર દર્દીઓને સાજા કરવાની મહેનત કરતાં હોય છે. આજે વિશ્વ નર્સિંગ દિવસ નિમિત્તે સર્વે નર્સિંગ સ્ટાફની ભરૂચ એસ.ટી મઝદુર સંધએ સરાહના કરી તેમના માટે કાર્યક્રમનું આયોજન કર્યું હતું.