બનાવ અંગેની પ્રાપ્ત માહિતી અનુસાર ભરૂચ સી ડિવિઝન પોલીસ મથકના કર્મીઓએ પેટ્રોલિંગમાં હતા દરમિયાન મળેલ બાતમીના આધારે ભોલાવના મૈત્રી નગર નજીક આવેલ જૂની રેલવે ફાટક વિસ્તારમાં વોચ ગોઠવી હતી, દરમિયાન એક બોલેરો પિકઅપ ગાડી નંબર GJ 05 CU 2122 ને રોકી તેની તલાશી લેતા ગાડીમાં ચોરખાનું બનાવી ભારતીય બનાવટના વિદેશી દારૂનું વહન થતું હોવાનું સામે આવ્યું હતુ.
પોલીસે બોલેરો કારના ચોરખાનામાં રહેલ ૨૨૮ બોટલ વિદેશી દારૂ જેની કિંમત ૧.૧૪ લાખ તેમજ બોલેરો કાર અને એક મોટરસાયકલ મળી કુલ ૫.૫૪ લાખનો મુદામાલ કબ્જે કરી જયેશ કુમાર મુકેશભાઈ ત્રિવેદી રહે.નવી નગરી મૈત્રી નગર ભોલાવ, ધર્મેશભાઈ મનહરભાઈ ઠાકોર રહે,બરાનપુરા ખત્રીવાડ અને દીક્ષિતભાઈ રાજુભાઇ વસાવા રહે.બરાન પુરા ખત્રીવાડ આમ કુલ ૩ જેટલા આરોપીઓની ધરપકડ કરી તેઓ સામે કાયદેસરની કાર્યવાહી હાથધરી છે.
Advertisement
